Waterdüörsken up de Upkamer

Mittwoch, 17.Oktober um 19 Uhr plattdeutscher Küeraobend

De Rheinske Kiärmis steiht vör de Dör. Dat Blagentüg is all heel ut`t Hüsken un Spickeleert wat woll von`t Jaohr vör nieë Scheeskes upbaut wäert, un de Aollen luert nao`n Hiëmel, wat dat Wäer woll mäck. Et is nu maol so. Auk wenn se, so äs se säggt, gar nich mäer nao de Kiärmes hengaoht, schön Wäer willt se doch häbben. Et konn ja sien dat man… Off vellicht doch nich… Off blos to`t kieken… Off blos iäben üm `ne Portion Fisk to iärten… Et is jedetJaohr dat sölwige mit de Kiärmis. Iärst will de von de Aollen kieneener hen un dann, wenn`t drup an kümp; küent se`t doch wier nich laoten. Dat is nu maol so sicher äs dat Amen in de Kiärke. Jüst so äs dat fest steiht, dat an jeden diärden Gunsdagg in`n Monat, Aobends Klock siëben Uhr, up de Upkamer von`t Heimathus Platt küert wäd. Düsse Wiärke is et wier so wiet. Well Lust häff kann gäne harinkieken, wenn et wier hett „Waterdüörsken up de Upkamer“. Bis dao hen, „laot`t ju eenen wassen“.