Werbung

Waterdüörsken up de Upkamer

Mittwoch Küeraobend im Heimathaus Hauenhorst

Nu is et dao! Dat Jaohr twedusendvettein. Willt män huopen, dat dat Vetteiner Jaohr in düt Jaohrhunnert nich so slimm wäd äs dat Vetteiner för hunnert Jaohr, äs de ersde von de slimmen Kriege anfönk. Man kann gar nich dankbar genog sien, dat hier in usse Land nu all üöwer füftig Jaohr Friäden is. So laot et män bliwen. Un auk de platdütsken Küeraobende int Heimathus laot män wieder gaohn. An`n kuëmenden Gunsdagg, Klock siëben, kumm wi wier tohaup üm metnanner ne Mule vull Plat o küern. Un nich blos de de immer dao sinn, nä, jedereene, well Lust un Fraide ant Plat küern häff kann kuemen. Ick mein för allen de, de bi de beiden Patdütskkurse von Dr Kahl west sinn. Män keine Bange. Et bitt ju dao kineener, un wenn ji met dat Platdütske noch nich gaas so guëd trechte kuëmt, dann küer ji eenfack Plat un Haugdüsk döernanner, wi lacht ju daorüm nich ut. Kuemt män eenfack dao hen. Jih süëlt seihn, et döt ju nich leed. Bis daohen, haollt de Aohren stiew!

Kurzmeldungen

Beitrag einreichen

Ihr Beitrag auf dieser Seite?

Schreiben Sie einfach an:

info@hauenhorst.de

Werbung