Plattdeutscher Küeraobend im Heimathaus

„Wat mens den, krieg wi nu Riägen of nich," sag Änne to iähren Fennand waorup Fennand ganz eenfak „Jau," äs Antwaot gaf. - „Wat hett hier jau", fraogde Änne. - „Jau, het jau", gaf Fennand trügge. „Du häs mi fraogt of dat Riägen gif of nich, un ik häb jau sägt, wat so ful het dat ik blos weet dat et Riägen gif of nich. Mäer kan ik dao nicht to säggen, un mäer bruukt dao auk nich üöwer sägt wäern. Jedet Waort mäer is ja män blos Waterdüörskerie. - - - Waterdüörskerie? Dao was doch wat? - Is ja waor! - De kuëmende Gunsdag is doch de diärde Gunsdag in'n Monat. Dao wäd doch aobends Klok siëben int Heimathus unnern Bosen wier Plat küert. Wilt huopen, dat wier ne Masse kuëmt. Wenn dat Wäer metspiëlt, küen wi us auk Buten rund üm den Müëlsteen setten, de nu äs Disk trechte maakt wuorn is. Dat was doch maol wat anners. Bes dao hen, laot't ju nich ummer kriegen!