Waterdüörsken up de Upkamer

Plattdeutscher Küerabend im Heimathaus

Nu is dat Fröhjaohr ja doch noch kuëmen. Wat häbbt de Lüde 't nu Drock. Üörwerall kann man se seihn, wu se in de Gaörns ant wullacken sinn. Et is ja auk höggsde Tiet. Nao de Iishilligen mott dat lesde Wiärks in de Grund. Un wat man in'n April nich dohn konn, dat mott nu in'n Mai passeern. Dat is nu maol so. Män, man mott sick auk maol 'n Lück utressen.
Un daoför is an düssen Gunsdag wier Tiet. Et is de diärde Gunsdag in'n Monat un dat is deDag, wao wi us to't Waterdüörsken up de Upkamer driäpt. Üm Klock siëben willt wi us tohaupe setten un 'n lück de Tiet verquatern. Jedereene, de Spass dran häff, sick maol ‚n ganzen Aobend blos up Platt to unnerhaollen, is hiärtlick willkuëmen, denn et gellt bi us immer noch, well haugdüütsk küert, flügg drut!