"Waterdüörsken unnern Bosen"

Mittwoch Küeraobend im Heimathaus Hauenhorst

hv kamin thumb Maria Geburt, sinn de Nüëte guëd, so lütt 'n aold Spriëkwaot. Jau, de Tiet is riep to't Afscheid niëmen. Afscheid niëmen von'n Sommer. Met Macht faöllt nu de Hiärfst int Land. De Dage wäert al mächtig küörter. Dat is ne schöne Tiet för dat Blagentüügs, dat sick wahne dao üöwer frait dat et all düster wäd, äher dat se nao Bedde müët. Jau, nu driewt se Buten so allerlei Allotria. Verstoppen spiëlen un so wat. Jüst äs wi fröher. Dat was doch maol 'n schön Tema för usen Küeraobend . Vertellt doch maol, wat ji fröher als so driëwen häbbt. Schellemännkes jagen un so. Kiene Bange. Wie vertellt auk nix wieder. Also, wi seiht uns an'n Gunsdag, klock Siëben in't Heimathuus wenn et wier hett „Waterdüörsken unnern Bosen". Laot't ju wat.