Waterdüörsken unnern Bosen

Plattdeutscher Küeraobend im Heimathaus

Dat Jaor tweedusendfettein is vörbi. Nu gait et mit vulle Kraft in dat Jaor tweedusendunfüftein. Et mag sik in dat nie Jaor ja dat Eene off dat Annere ännern, män eent ännert sik nich. Wi driäpt us wiederhen an jeden diärden Gunsdag in’n Monat int Hauenhorster Heimathus tot Waterdüörsken. Düsse Wiärke is et wier so wiet. Wi set`t us aobends, klok siëben unnern Bosen bieneener üm ne üöndlicke Muule vul Plat to küern. Wie küert üöwer Düt un Dat. Niks wäd utlaoten. Et gellt blos eent, wel haugdütsk küert, flüg drut.