Drucken

Plattdeutscher Küeraobend

Gunsdag is wier Waterdüörsken unnern Bosen

Nu is dat Frööjaor endliks dao

de Sunne häw al Macht.

In mine Buorst dat Hiärt klopt froo,

al küörter wäd de Nacht.

Et kiekt al Blömkes ut de Grund

un Vüegel singt in jeden Hook.

`N Leedken kümp ut mienen Mund.

Nu al? – Dat is nich klook!

De Winter de is noch nich wäg,

nä, nä, dat duërt noch wat.

Eenmaol drait he sik noch un säg:

„Ik gao no nich, Ik flait ju wat”

Wi häbt den diärden Gunsdag in`n Februar un et is wier Tiet dat wi us in`t Heimathus tohaupe set`t un `n lük Plat küert. Wi driäpt us, äs ümmer, aobends, Klok siëben. Guëd gaon!