Mittwoch ist Küeraobend

Ab 18 Uhr im Backhaus am Heimathaus

FKK midden int Duorp. Draw so wat üöwerhaupt sien? Ik weet et nich. Män et is nu maol so äs et is. Bi mi ächtern Huuse spiëlt sik so wat Dag vör Dag af. So baolle äs sik de Sunne sain löt gait dat Spitakel laos. Mänkes un Wiewkes düörneener maakt sik dao ant Water von mienen Gaorndiek iär Sommervegnöögen un wat dat laigsde is, alltohaup häbt se kiene Kladden ant Liew. Ja, häbt de den üöwerhaupt kien Schiämde?. Ik weet et nich. Wenn man de hen gait üm dat Völksken maol üörndlik de Mainug to Gaigen, schwupps met eenen Slag flaigt se weg. – Flaigen? - Ach so, dat harre ik ja baolle vegiärten. Et sin män blos Vüegel de sik dao iär Sommervergnögen maakt. Is auk nich so wichtig. Wichtig is blos, dat dat wi düsse Wiärke wier ussen Küeraobend häbt. Laos gait et, so äs immer Aobends Klok sess. Wi set`t us aower int Backs tohaup. Dat Haupthuus wäd annerwächtigerwiese bruukt.