Waterdüörsken - Küeraobend

Nu is de Sommer also dao. Män, wat för`n Sommer! Wenn man nao buten kick, dann schütt eenen doch dat Water in de Augen, so bedröwlick is dat Wäer. Un dat in de Ferien. Aower, wat wiss dran maken. An`t Wäer kanns nu maol nix ännern. Un dat is auk guët so. Wao kammen wi denn auk hen, wenn wi an`t Wäer wat dreihen konnen. Mord un Daudschlagg gaff et, wieldat Jan un Jedermann sien eegen Wäer häbben woll un sick de Lüde nich eenig wäern konnen well denn nu sien passendet Wäer kreeg. Un dann konns erst recht up nix wat an. Män up eent, dao kanns wisse up an. Et is düsse Wiärke wier de diärde Gunsdagg in`n Monat, un dao driärp wi us wier üm Klock siëben in`t Heimathus up de Upkamer to`t Waterdüörsken. Kiekt de doch äs in.