Mittwoch um 19 Uhr Küeraobend
Kreit dat Hohn up`n Mess in`n Mai, leg de Hahn daoför dat Ei, - of auk: Höhner de krait un Wichter de fleit`t, sin nich mäer wäät as dat man iär `n Hals ümdreiht. Dat wassen so Spriëkwaöder de man (frau) so daohäerküerde äs man dat Waot Eman(frau)zipatschion noch nich kande. Van Daage is dat ja anners. Dao häbt Mann un Frau de glieken Rechte un de Fraulüüde kuënt, de Frauenquote si Dank, in de haögsden Posten kuëmen Un -wel häw dat dacht- et klapt sogar. Blos met de Beliekteeknung von de Postens, dao giw dat noch Probleme. Bi de Kanzler-in, of het dat nu doch Kanzl-sie, gait dat al laos. Het usse Kanzl-sie nu M-sie-kel? In de Schoole häbt se nu statt Er-dkunde Sie-dkunde un de kleinen Swienkes heit`t nu nich mäer F-er-kel. dat sin nu Fsiekel. Aower nu häb ik genoog faselt. Mien Frönd Herman, of het de nu Damefrau, haalt mi faots af. Ik mot noch gau den Man(Frau)tel antrekken in dan gait dat af nao Man(Frau)heim. Aower wen sik auk aals ännert, eent dat bliw. An`n diärden Gunsdag in`n Monat, Aobends Klok Siëben, driärp wi us wier to`t Waterdüörsken unnern Bosen. Un wieldat wi Mai häbt, giw dat auk wier ne lekkere Waldmesterbowle. Also, maakt ju rechttietig up`n Pat!
